Еліміздің экспорты 17,1%-ға қысқарған
Өзге елден тауар тасымалымыз 15,6%-ға артып отыр. Биыл еліміздің басқа елдермен тауар айналымы 6%-ға азайып, 19,7 млрд долларға төмендеді, деп хабарлайды inbusiness.kz порталы ranking.kz-ке сілтеме жасап.Былтыр ел экономикасы күрделі жағдайда болды. COVID-19 пандемиясы салдарынан халықаралық сауда көрсеткіші төмендеді. 2021 жылғы бірінші тоқсанының қорытындысы бойынша әлем елдерімен тауар айналымы 6,1%-ға қысқарып, 19,7 млрд доллар болды. Сондай-ақ Қазақстанның тауар экспорты бір жылда 17,1%-ға азайып, 11,5 млрд долларға төмендеді. Керісінше импорт 15,6%-ға артты – 8,2 млрд долларға өсті. Қазақстанның сыртқы сауда айналымы туралы толық ақпаратты төмендегі инфографикадан көре аласыз.
