Психологиялық қолдау шарасы өтті
Оқушы өміріндегі үлкен сынақтың бірі – Ұлттық бірыңғай тестілеу. Он бір жыл оқыған білімнің нәтижесін таразыға салып, анықтап беретін емтихан. Осы орайда тест тапсыратын түлекке психологиялық тұрғыдан да дайындалған жөн. Мектеп бітіруші түлектердің қорытынды аттестатталуын өткізу түріндегі ҰБТ үрейленудің қосымша көзі болып табылады.Сондықтан ҰБТ түлектер үшін айтарлықтай күйзеліс туғызатын жайт.Мұндай жағдайда оқушының психологиялық көмек пен ата-ана, педагогтар мен психологтар қолдауын қажет ететіні сөзсіз.
Осы орайда Қазалы аудандық партия филиалының «Бозкөл ауылы» бастауыш партия ұйымында «Ұлттық бірыңғай тестілеу – білім таразысы» атты түлектер мен олардың ата-аналарымен бірге психологиялық қолдау шарасы өткізілді.
Іс-шараның мақсаты түлектер мен ата-аналарды оқу жылындағы Ұлттық бірыңғай тестілеу процесі туралы ақпараттандыру, ата-аналарға ережелермен таныстыру, оқушыларға психологиялық, педагогикалық және ақпараттық қолдау көрсету.
Шара барысында психологтар тарапынан ҰБТ барысында орын алған түрлі жайттар мысалға келтіріліп, қажетті ақпараттар түсіндіріліп, ата-аналар тарапынан қойылған ұсыныс-пікірлерге жауап берілді.
#AMANAT
