Кезектен тыс конференцияға делегаттар сайланды
«AMANAT» партиясы Қазалы аудандық филиалы жанындағы «ЖАСТАР» бастауыш партия ұйымында партия мүшелерінің қатысуымен жиналыс өтті.Жиынды ашып, жүргізген бастауыш партия ұйымының төрағасы Ақпанбетов Нұрбек Нысанбекұлы күн тәртібіндегі мәселелерді таныстырып, талқылады.
Мәжілістің күн тәртібінде «AMANAT» партиясының саяси тұғырнамасының басым бағыттарын талқылау және аудандық партия филиалының кезектен тыс ХХХVI конференциясына делегат сайлау мәселелері қаралды.
«AMANAT»партиясы әрқашан қоғамдық-саяси үдерістердің бел ортасында жүр.Біз түрлі көзқарастар мен ой-пікірлердің тоғысатын, үндесетін алаңымыз. Біздің партия әр адамның құқығы мен бостандығын қорғайды. Біздің партия ортақ құндылықтармен, ұлттық мүддемен және бір болашақпен біріккен қоғамды қалыптастырады.
Жиынның күн тәртібіне қойылған екінші мәселе бойынша бастауыш ұйым төрағасы Нұрбек Ақпанбетов пен ұйым мүшесі Шәкірат Әлқуат аудандық партия филиалының кезектен тыс ХХХVI конференциясына делегат болып сайланды.
