Тоқаев Самарқандтағы "Мәңгілік қала" кешеніне барды
Мемлекет басшысы Қасым-Жомарт Тоқаев Самарқандтағы "Мәңгілік қала" кешенінде болды, деп хабарлайды zakon.kz.Мемлекет басшысы мұнда көрмелер мен шығыс базарын тамашалады.
Алдында Қасым-Жомарт Тоқаевты "Silk road" туристік орталығында Өзбекстан Президенті Шавкат Мирзиёев қарсы алып, ол арада Қазақстан Президенті Шанхай ынтымақтастық ұйымына мүше-мемлекет басшыларымен бірге ағаш отырғызды, деп хабарлады Ақорда.
Бүгін Президент Қасым-Жомарт Тоқаев Шанхай ынтымақтастық ұйымына мүше мемлекеттер басшылары кеңесінің саммитіне қатысу үшін жұмыс сапарымен Самарқанд қаласына келіп жетті.
15 қыркүйекте Самарқандта Шанхай ынтымақтастық ұйымына мүше мемлекеттер басшыларының саммиті басталады, оған ұйымға мүше мемлекеттердің, бақылаушы елдердің басшылары мен арнайы шақырылған президенттер қатысады.
