Аудан әкімі Мұхтар Оразбаев бекітілген кестеге сәйкес жеке қабылдау өткізіп, халықтың ұсыныс-пікірлерін тыңдады.

Қабылдау барысында тұрғындар тарапынан тұрақты жұмысқа орналастыру, әлеуметтік дүкендер ашу, Жалаңтөс батыр тұйығындағы электр бағандарын ауыстыру, жайылымдылық жер алу және тағы басқа мәселелер қозғалды.

Тұрғындардың өтiнiштерiн мұқият тыңдаған аудан басшысы олардың тарапынан айтылған мәселелердiң заңдылығына сәйкес, оңтайлы шешiмiн табуы үшiн тиiстi жұмыстар жүргізілетіндігін жеткізді. Тұрғындар мәселесіне қатысты сала басшыларына тапсырмалар жүктеді.