Тұрғындардың талап-тілектерін тыңдады
Бейсенбі күні аудан басшысы Мұхтар Оразбаев белгіленген кестеге сәйкес тұрғындарды жеке мәселелері бойынша қабылдады.Жеке қабылдауға келген тұрғындар өздерін алаңдатқан маңызды мәселелерді айтып, тиісті сауалдарын жолдады.
Тұрғындар тарапынан ақылы қоғамдық жұмыс, инватакси мәселесі, жұмысқа орналасу, көшенің жөнделуі сияқты мәселелер қозғалып, шешілу жолдарын қарастыру сұралды.
Аудан басшысы әр тұрғынның сауалдарына заңды түрде жеке-жеке жауап беріп, әрбір мәселеге талқылау жасап, шешу жолдарын қарастырды.
Сондай-ақ алдағы уақытта тұрғындардың мәселелерін бақылауда ұстайтындығын айтып, жауапты мамандарға тиісті тапсырмалар берді.
“ҚАЗАЛЫ” ақпарат
