Аудан әкімі тұрғындарды жеке мәселелері бойынша қабылдады

Жеке қабылдау аудандағы эпидемиологиялық ахуалдың күрделілігіне байланысты онлайн өткізілді.

Жеке қабылдауда тұрғындар «Zoom» платформасы арқылы өздерін толғандырған сұрақтарын аудан басшысына қойып, өтініш-тілектерін жеткізді. Атап айтар болсақ, тұрғындар жұмысқа орналасу, тұрғын үй, әлеуметтік көмек көрсету және тағы басқа мәселелері бойынша жүгінді.

Қабылдау барысында азаматтардың өтініштерін тыңдаған аудан басшысы әр мәселеге жеке тоқтап, заң аясында шешу жолдарын түсіндірді.

Сонымен бірге, бірқатар мәселелерге байланысты жауапты сала басшыларына нақты тапсырмалар берді.