Тұрғындар мәселесі тыңдалды
Аудан әкімі, «Nur Otan» партиясы Қазалы аудандық филиалының төрағасы Мұхтар Оразбаев тұрғындарды жеке мәселесі бойынша қабылдады.«Nur Otan» партиясы Қазалы аудандық филиалында өткен қабылдауда тұрғындар әртүрлі мәселелерді көтеріп, өтініш-тілектерін айтты.
Тұрғындар негізінен тұрақты жұмысқа орналастыру, жолдарды жөндеу, тротуар салу, қала мен кенттің екі аралығынан жаңа мектеп салу және де тағы басқа да мәселелерді тілге тиек етті.
Сондай-ақ, аудандық мүгедектер қоғамы бірлестігіне орталықтан мүмкіндігі шектеулі жандар үшін қолайлы жағдай жасалған ғимараттан кеңсе үшін арнайы бөлмелер беруді сұрады.
Қабылдауға келген тұрғындардың ұсыныс-пікірлерін мұқият тыңдаған аудан әкімі Мұхтар Оразбаев олардың әрқайсысына жеке-жеке жауап беріп, айтылған мәселелерге байланысты заңдылығына сәйкес жұмыс жасау үшін тиісті сала басшыларына тапсырма берді.
"ҚАЗАЛЫ" ақпарат
