Қазалы Qazaly.kz ақпараттық агенттігі
» » Қазақстан QazVac-ты өзге елдерде тіркеу жұмысын жалғастыруда

Қазақстан QazVac-ты өзге елдерде тіркеу жұмысын жалғастыруда

Бұл туралы Президент жанындағы Шетелдік инвесторлар кеңесінің 34-ші жалпы отырысында Сауда және интеграция министрі Бақыт Сұлтанов айтты, деп хабарлайды Egemen.kz.
«Үкімет шетелдік серіктестерімен келіссөз жүргізді. Қазіргі уақытта құпиялылық туралы келісімге қол қойылды. Сонымен қатар отандық QazVac вакцинасын қызығушылық танытқан елдерде ілгерілету мақсатында құжаттарды толтыру жұмысы қолға алынған. Бұған қоса, QazVac-ты қызығушылық танытқан мемлекеттерде тіркеу жұмысы жалғасып жатыр», деді Бақыт Сұлтанов.

Министр Қазақстан Республикасында ғылымды дамытудың 2025 жылға дейінгі тұжырымдамасы әзірленіп жатқанын айтты. Аталған құжатта халықаралық технологиялық компанияларда жұмыс істейтін қазақстандықтарды, репатрианттарды, бұрынғы Қазақстан азаматтарын іздеу, олардың Отанына оралуы үшін қолайлы жағдай жасау алгоритмі қарастырылады.

«Виза алуға арналған қолдаухат беру мерзімі 5-тен 3 жұмыс күніне дейін қысқарды. Визалық портал арқылы бірреттік Е-инвесторлық виза рәсімдеу қызметі жүзеге асырылды. Бұған қосымша, инвесторлық виза иелерін жергілікті атқарушы органдар жұмыс істеуге рұқсат талап етпейтін тұлғалар тізіміне қосу жұмысы жүргізіліп жатыр. Толықтай алғанда, барлық мемлекеттік орган хаттамалық тапсырмаларды орындау жөніндегі қажетті іс-шараларды қабылдады», деді ол.
09 маусым 2022 ж. 310 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031