Қар және тұман. Алдағы күндері ауа райы қандай болады?
Қазақстан аумағының басым бөлігінде жаңбыр жауады, сонымен қатар қар және тұман күтілуде, - деп хабарлайды Tengrinews.kz."Атмосфералық фронтальді бөліктердің өтуіне байланысты Қазақстан аумағының басым бөлігінде тұрақсыз ауа райы күтіледі. Солтүстік және шығыс өңірлерде боран мен қар жауады, республиканың оңтүстігінде жауын-шашын болуы мүмкін. Ал 23-24 наурызда республиканың батыс өңірлері Солтүстік-Батыс антициклонның ықпалында қалып, ауа райы жауын-шашынсыз болады. Сонымен қатар, ел бойынша тұман және желдің күшеюі байқалады. Еліміздің шығысында, солтүстігінде және орталығында түнгі температура 5-13-тен 10-18 градусқа дейін ауытқиды, күндіз термометр 0-8 градус аяздан аспайды, республиканың оңтүстік жартысында ауа температурасы түнде 0-8 градус, күндіз 2-10 градус жылы болады", - делінген хабарламада.
