Төрт қалада ауа сапасы нашарлайды
«Қазгидромет» РМК Қазақстан қалаларындағы 3 мамыр күнгі ауа сапасына болжамын жариялады.Кәсіпорынның мәліметіне сенсек, қолайсыз метеорологиялық жағдай Атырау, Қарағанды, Нұр-Сұлтан, Қызылорда қалаларында болады.
Өзге шаһарларда метеоахуал бірқалыпты. Қолайсыз метеорологиялық жағдай – атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, баяу жел, тұман, инверсия) жиынтығы. Қолайсыз метеорологиялық жағдайында елдімекендердегі атмосфералық ауаның сапасы нашарлауы ықтимал.
