Ауылдарға ауызсу барады
Өткен жылы Қазалы ауданындағы Майдакөл және Жанқожа батыр елді мекендеріндегі тұрғын үйлерге сервистік ауызсу желілерін жүргізу жұмыстарын бастауға аудандық бюджеттен қаржы бөлініп, құрылыс жұмыстары басталған болатын.2021 жылға Республикалық бюджеттен құрылыс жұмыстарын толық аяқтауға қажетті қаржы бөлініп, қазіргі таңда құрылыс жұмыстары қарқынды жүргізілуде.
Мердігер «Алтын айдарлы» ЖШС құрылыс нысанына қажетті материалдары толық жеткізілген. Қазіргі уақытта жұмыстың 75-80 пайызы атқарылды. Үстіміздегі жылдың маусым айында құрылыс жұмыстарын толық аяқтап, тапсыру жоспарланып отыр.
Құрылыс жұмыстары техникалық қадағалаушы тарапынан және тапсырыс беруші «Қазалы ауданының құрылыс, сәулет және қала құрылысы бөлімі» КММ тарапынан қадағаланып, бақылауға алынған.
Жомарт САРАБЕК,
аудандық құрылыс бөлімінің сектор меңгерушісі
