Қазалылық Байғабыл Әбсұлтанов «Ауыл шаруашылығы саласының үздігі» атанды
Қызылорда қаласындағы Н.Бекежанов атындағы музыкалық-драма театрында 2019 жылғы күзгі егін жинау жұмыстарының қорытындысымен еңбек озаттары марапатталды.Салтанатты шарада облыс әкімі Қуанышбек Ысқақов құттықтау сөз сөйлеп, өңіріміздің ауыл шаруашылығы саласының үздіктерін марапаттады. Олардың қатарында қасиетті Қазалы ауданының еңбеккерлері де бар.
Атап айтар болсақ, «Агро-Өркен» ЖШС-ның механизаторы Әділбек Әуез Қазақстан Республикасы Ауыл шаруашылығы министрлігінің «Құрмет грамотасымен», еңбек ардагері Байғабыл Әбсұлтанов «Ауыл шаруашылығы саласының үздігі», еңбек ардагері Есенкелді Мәли «Еңбек ардагері», «Сыр маржаны» ЖШС-ның сушысы Уәйісбек Рахметов ІІ дәрежелі «Еңбек Даңқы», «Рза-Агро» ЖШС-ның күрішшісі Шыныбай Өтепбергенов «Ыбырай Жақаев» төсбелгісімен марапатталса, «Рза-Агро» ЖШС-ның жаткисі Жеңіс Дабылдаев «Озат жатка машинисі», «Сыр маржаны» ЖШС бригадирі Серік Кәдір «Озат бригадир» атанды.
Қазалы ауданы әкімінің баспасөз қызметі
