Ташкентте қазақстандық гимнастшылар екі медаль жеңіп алды
Қазақстандық гимнастшылар Ташкентте өткен әлем кубогінде екі медальді қанжығасына байлады. Спортшыларымыз командалық жарыста күміс және қола медаль ұтып алды, деп хабарлайды egemen.kzҚазақстандық көркем гимнастшылар шығыршық жаттығуының финалында 28,15 ұпаймен екінші орынға ие болды. Қазақстан құрамасы сапында Айдана Шаяхметова, Әсел Шүкірбай, Аяулым Қадір, Аружан Қасенова, Аружан Қалсаева, Ақсұңқар Әбдірахман өнер көрсетті.
Алтын медаль Қытай елінен келген жеңіл атлеттерге бұйырды. Олар 33,40 ұпайға ие болған еді. Қола өзбекстандық гимнастшылардың еншісінде кетті (27,95 ұпай).
Сондай-ақ біздің команда лента, доп жаттығуларында 26,15 ұпай жинап, қола жүлдегер атанды.
