Батыр Жүкембаев қарсыласын нокаутқа түсіріп, жеңіске жетті
Алматыда өткен бокс кешінің басты жекпе-жегінде қазақстандық Батыр Жүкембаев (19-1, 15 КО) өнер көрсетті, - деп хабарлайды sn.kzҚазақстандықтың қарсыласы "Жолбарыс" деген атпен танымал оңтүстік африкалық Ксолани Мкотели (19-7, 12 КО) болды. Олардың он раундқа есептелген жекпе-жегі Жукембаевтың алтыншы раундта техникалық нокаут жеңісімен аяқталды. Бұған дейін қазақстандық қарсыласын үш рет нокдаунға түсірген.
Осылайша, бұл - қазақстандықтың про-рингтегі 20-шы жеңісі. 16 рет Жүкембаев мерзімінен бұрын жеңіске жетті.
Кейінгі рет рингке былтыр желтоқсанда Монреальда (Канада) шығып, мексикалық Хуан Хосе Мартинес Альваресті 69 секундта нокаутқа түсірген болатын.
Айта кетейік, Холаниге қарсы жекпе-жек Жүкембаевтың Қазақстандағы мансабындағы алғашқысы болды. Бұған дейін Канада мен АҚШ-та жекпе-жек өткізген.
