Угандада Елизавет ханшайым атындағы ұлттық паркте леопард полиция қызметкерінің үш жастағы баласын жеп қойды, деп хабарлайды Baq.kz ақпарат агенттігі The Independent басылымына сілтеме жасап.

Қайғылы оқиға 4 мамыр күні кешке болған. Үш жастағы баланы Эдвард өзенінің бойында орналасқан аңшылар үйіндегі қызметші әйел бағып қалады.

«Башира Ханги» мемлекеттік табиғатты қорғау ұйымы өкілдерінің айтуынша, қызметші әйел өзімен бірге баланың сыртқа шыққанын байқамай қалған.

Ол баланың жанайқайын естіп, оған көмектеспекші болған. Бірақ үлгермейді. Леопард баланы бұталардың арасына алып кетеді.

Билік өкілдері жүргізген іздестіру жұмыстары нәтижесінде жоғалған баланың бас сүйегі табылған.

Енді баланы жеп қойған жыртқышты жоғарыда аталған табиғатты қорғау ұйымының өкілдері ұстап алып, қамап қоюды жоспарлап отыр.

«Ол адам етін жеген соң, адамдарды жегісі келіп тұрады. Сондықтан ол тұрғындарға қауіп төндірдеді», - дейді «Башира Ханги» ұйымының өкілдері.