Қазалы Қазалы аудандық қоғамдық-саяси газет
» » Қытайдан тағы бір қауіпті вирус шықты

Қытайдан тағы бір қауіпті вирус шықты

Қытайдың Хунань провинциясында H5N1 жұқпалы құс тұмауы тіркелді. 
Аталған провинция Хубэй провинциясымен шекаралас. Жоғары патогенді құс тұмауы фермалардың бірінде табылды. Ауру салдарынан онда барлық қанаттылардың жартысынан астамы қаза болды. Адам жұқтырғаны туралы әзірге хабарланған жоқ.
Құс тұмауы (H5N1) вирусынан туындайтын жұқпалы инфекциялық ауру. Ол қалтырау, температураның 38 градусқа дейін көтерілуі, бұлшық ет және бас аурулары, тамақтың ауыруы сынды белгілермен басталады. Сондай-ақ, жұқтырған адам бірнеше рет құсуы да мүмкін. Науқастың жағдайы тез нашарлайды. 2-3 күннен кейін ылғалды жөтел пайда болады, жиі қан кетіп, ентігеді. Содан кейін тыныс алу қиындап, бауыр, бүйрек және ми зақымдануы мүмкін. Құс тұмауы тез таралып, өлім қаупі жоғары.
Адамға берілу жолдары: тірі немесе өлі құстармен тығыз байланыста болғанда және ауру құс еті мен жұмыртқасын жеткілікті термиялық өңдеусіз тамаққа қолданғаннан кейін жұқтырады.
02 ақпан 2020 ж. 77 0

Жаңалықтар мұрағаты

«    Наурыз 2020    »
ДсСсСрБсЖмСбЖс
 1
2345678
9101112131415
16171819202122
23242526272829
3031