Елордада 20-ға жуық жүргізуші ұялы телефон арқылы сөйлескені үшін айыппұл төлейді
Астана қаласы ІІД-нің қызметкерлері «Автобус» жедел алдын алу шарасын жүргізіп жатыр.Бұл туралы елорда әкімдігінің ресми сайты ведомствоның баспасөз қызметіне сілтеме жасап хабарлайды.
Автомобиль жолдарындағы жол апаттарын төмендету, жүк және жолаушыларды тасымалдайтын көлік жүргізушілері арасындағы тәртіптің сақталуын арттыру, жол қозғалысын қадағалауды күшейту мақсатында жүргізіліп жатқан «Автобус» шарасының аясында полиция қызметкерлері жолаушыларды тасымалдайтын 155-тен астам автобустың жүргізушілері ЖЖЕ бұзғанын анықтады.
«Жол ережелерін бұзу оқиғаларының 19-ы – көлікті басқару кезінде телефонды қолданған, 20-ға жуығы – маневр ережелерін, 14-і – техникалық тексеріс ережелерін бұзған. Сонымен қатар, «Автобус» жедел алдын алу шарасы барысында жолаушыларды тасымалдайтын қоғамдық көлік жүргізушілерінің кінәсінен 3 ЖКО болды. Абырой болғанда, құрбандар мен зардап шеккендер жоқ», – деп жазылған ведомство таратқан хабарламада.
«Автобус» жедел алдын алу шарасы 18 ақпанға дейін жалғасын табады.
