Ару-аналар ардақталды
Өткен аптада Қазалы локомотив жөндеу зауытының әкімшілігі мен кәсіподақ ұйымы халықаралық әйелдер күнін жоғары деңгейде атап өтті. “Отан отбасынан басталады” деген ұғымға сәйкес әйелдің қоғамдағы рөлі ерекше. Шаңырақтың құты болған әйел елдің өркендеп, дамуына атсалысып, адал қызмет етеді. Зауыт директоры Нұрлан Әлмағамбетов ауыр жұмыста ерлермен қатар иық тіресе тер төккен аруларды шуақты мерекемен құттықтап, ақжаулықты аналардың алдында барша азамат мәңгі қарыздар екеніне тоқталды.Салтанатты шарада өндірістің дамуы мен өркендеуіне қосқан үлесі мен мінсіз қызметтері үшін зауыттың жұмысшылары Алғыс хатпен және кәсіподақ ұйымының ақшалай сыйақысымен марапатталды.
Бұл күні құрастыру, доңғалақ және электр машиналарын жөндеу цехының жылжымалы құрама тазалаушылары Жазира Өтепова, Несібелі Сербаева, Жұмагүл Ілияс және электр машиналарын жөндеу цехының ораушысы Рыскүл Қанатбаева мен электр механикалық цехтың кран жүргізушісі Әсемкүл Ешмұратова сый-құрметке бөленді.
“ҚАЗАЛЫ” ақпарат
