Бұрын хабарланғандай, 2019 жылдың бағдарламасы мерзімі бірнеше рет созылған мысырлық EgyptSat-A жерді қашықтықтан зондтау спутнигін ұшырудан басталады. Ғарыш айлағы қызметтерінің хабарлауынша, Ресейдің «Энергия» ғарыш зымырандары корпорациясында жасалған Мысыр спутнигі сынақтардан сүрінбей өткен. Ғарыш аппараты «Фрегат» блогына тұрғызылған, қазір оның бас бөлігін құрастырып жатыр. Алдағы аптада аппарат тасымалдаушы зымыранға орнатылып, старт алаңына шығарылады, сосын зымыранға жанармай толтырылады. «Фрегат» блогы және EgyptSat-A спутнигін алып ғарышқа ұшатын «Союз 2.1б» тасымалдаушы зымыранына 2019 жылғы 21 ақпанда старт беріледі.