Қазалыда амбулаториялық емхана ашылды
Бүгін Өркендеу ауылдық округіне қарасты Жанкент ауылында дәрігерлік амбулатория пайдалануға берілді.Ашылу салтанатына аудан әкімі М.Ергешбаев, облыстық денсаулық сақтау басқармасы басшысының орынбасары О.Искаков, аудандық мәслихат депутаттары, аудандық ардагерлер кеңесінің мүшелері, медицина қызметкерлері және ауыл тұрғындары қатысты.
Емхананың ашылуы рәсімінен соң аудан басшысы жаңа нысанның ішкі құрылымымен танысып, соңғы үлгідегі медициналық құрылғымен жабдықталған амбулатория ұжымының жұмысына сәттілік тіледі. Ауылдық емхананың сыйымдылығы 10 орындық. Дәрігерлік амбулаторияда 1 дәрігер және 9 медициналық қызметкер қызмет көрсетеді. Бас мердігер мекеме – «Ахат + ГС» ЖШС-і.
Ғимарат 1 қабаттан, 1 блоктан (43 бөлімшеден) тұрады.
"ҚАЗАЛЫ" ақпарат.
