Ақсуатта орталық саябақ ашылды
Бүгін аудан әкімі М.Ергешбаев Майлыбас ауылдық округіне қарасты Ақсуат ауылындағы Орталық саябақтың ашылу салтанатына қатысты.Аудан басшысы М.Ергешбаев ақсуаттық тұрғындарды жаңа нысанның ашылуымен құттықтады. Сонымен қатар, ел игілігі жолында атқарылар жұмыстардың толастамайтынын тілге тиек етті. Мердігер мекеме «Жылу ХХІ» ЖШС-інің атқарған жұмысына аудан басшысы өзінің оң бағасын берді.
Аталған саябақ тағзым алаңы мен балалар алаңы, ашық сахна т.б. сынды көрікті жерлерге толы.
Ауылға көрік берген саябақтың ашылғанына ауыл тұрғындары, әсіресе, балақайлар ерекше қуанышты.
Е.Жұмабекұлы
