«Қазгидромет» РМК-ның мәліметінше, 30 желтоқсан күні түнде Түркістан облысында қатты жауын-шашын, тұман, көктайғақ, бұрқасын күтіледі. Батыстан, солтүстік-батыстан соғатын желдің екпіні 15-20, түнде 25 м/с күшейетіні болжануда.

Шымкентте 30 желтоқсан күні түнде және таңертең батыстан және солтүстік-батыстан соғатын желдің жылдамдығы 15-20 м/с артады.

Түркістан қаласында 30 желтоқсан күні түнде және таңертең батыстан және солтүстік-батыстан соғатын жел 15-20 м/с күшейеді. Ескерту ықтималдылығы 90-95%.

Сондай-ақ 30 желтоқсан - 1 қаңтар аралығында Қызылорда облысының жекелеген аумақтарында тұман сақталады.

30-31 желтоқсанда Ақмола облысының кей жерлерінде бұрқасын, тұман, көктайғақ, оңтүстік-батыстан және батыстан 15-20 м/с екпінде жел күтіледі.

30 желтоқсан күні Астанада жаяу бұрқасын жүреді. Ескерту ықтималдылығы 85-90%. Бұған дейін елордада 29-31 желтоқсан күндері ауа райы қандай болатынын жазған едік.