Қостанай, Қызылорда мен Шығыс Қазақстан облыстарында ауа райының қолайсыздығына байланысты дабылды ескерту жарияланды, деп хабарлайды Baq.kz ақпарат агенттігі.Синоптиктердің болжамы бойынша, алдағы сағатта және күнің соңына дейін 3 шілдеде Қостанай облысының кей жерінде найзағай күтіледі.
Ал, 4 шілдеде Шығыс Қазақстан облысының кей жерінде найзағай күтіледі, солтүстік-батыстан соғатын желдің 15-20, күндіз екпіні 25 м/с жетеді. Күндіз кей жерлерде бұршақ жаууы мүмкін.
Өскемен қаласында 4 шілдеде найзағай күтіледі, солтүстік-батыстан соғатын желдін екпіні 15-20 м/с жетеді.
Сонымен қатар, 4-6 шілде аралығында Қызылорда облысының кей жерінде шаңды дауыл, солтүстік-шығыстан, солтүстіктен 15-20 м/с жел сақталады.
Айта кетейік, дабылды ескертудің ықтималдылығы 95-100 %.