Әкімшілік іс бойынша азамат Е. автокөлік басқаруға құқығы жоқ күйде «LEXUS RX 300» маркалы автокөлігін басқарып, тежегіш орнына газ педалін басып жіберіп, тұрғын үйге соғып, соқтығысу салдарынан жәбірленушілерге материалдық зияндар келтірген.

Іс бойынша тараптар уақыттарын үнемдеу үшін және істі қарау мерзімін қысқарту мақсатында сот мәжілісін жұмыс уақытынан тыс «Түнгі сотта» қарау туралы өтініш білдірді.

Өзіне қатысты әкiмшiлiк құқық бұзушылық туралы іс бойынша iс жүргiзiлiп жатқан тұлға Е. Қазақстан Республикасының ӘҚБтК-нің 610- бабының 3 -бөлігімен кінәлі деп танылып, оған 101 010 теңге айыппұл салынды.

Сот отырысы аяқталған соң іс бойынша тараптар түнгі соттың тиімділігін, дауды тез шешілуін, уақыт үнемділігін, дауды кешкі уақытта, жұмыс уақытынан бөлінбестен шешуге мүмкіндік беретіндігін жеткізіп, оң бағаларын берді.