Министрдің марапаты

Астана қаласында өтіп жатқан Астана Media Week апталық алаңында Жаңақорған аудандық «Жаңақорған тынысы» газетінің ұжымы Ақпарат және коммуникациялар министрі Дәурен Абаевтың Алғыс хатымен марапатталды.

Редакция ұжымын басылымның 85 жылдық мерейтойымен құттықтаған министрдің Алғыс хатында: «Сіздердің ұжым өзекті мәселелерді терең сараптап, мемлекеттік саясаттың бағдарын жұртшылыққа кеңінен насихаттауға айрықша қызмет етіп отыр. Отандық бұқаралық ақпарат құралдары саласының қосқан үлестеріңіз үшін алғыс білдіремін», - делінген.

Айта кетейік, медиа апталығы 26 қыркүйектен 28 қыркүйекке дейін жалғасады. Оған 2000-нан астам қонақ, қазақстандық және шетелдік медиаиндустрияның 60 топ-менеджері, 50-ден аса продакшн-компания өкілдері шақырылған.

Әріптестеріміздің қуанышына біз де ортақтаса отырып, әлі талай жетістікке жетуді тілейміз.