Астанада су басқан көшеде үрленетін қайықпен жүзіп жүрген жігіттер ұсақ бұзақылық үшін салынған айыппұлмен келіспейтіндерін айтады, - деп хабарлайды Tengrinews.kz тілшісі.

  Еске сала кетейік, 20 тамызда Астана қатты жауын-шашын жауған еді. Сол кезде екі астаналық үрленетін қайық алып, көше бойымен жүзіп жүрген болатын. Полиция қызметкерлері олардың бұл әрекеті үшін 12 025 теңге көлемінде айыппұл салды.

  "Біз заңгермен кеңестік. Ол бізге апелляциялық шағым түсіруге кеңес берді. Әкімшілік сотқа шағым түсірдік. Өзіміздің құқығымызды қорғау керек деп шештік, себебі біздің әрекетімізде ешқандай бұзақылық жоқ. Енді шағымның қаралғанын күтеміз", - деді видеодағы жігіттердің бірі Жандос Садыбеков.

kaz.tengrinews.kz