Керемет көңіл күй сыйлады
Қазалы қаласындағы М.Горький атындағы №16 мектеп-лицейдің әлеуметтік топтағы оқушыларының жаңашылдық шыршасы калалық мәдениет үйінде болып өтті. Мерекелік кешті №16 мектеп–лицей директоры Ерлан Өтепбергенов ашты.Шараны ұйымдастырушылар түрлі мультфильм кейіпкерлерін сомдады. Ата-аналарымен бірге ойындар ойналды. Оқушылар өздерінің өлең – тақпақтарын Аяз атаға айтып, Ақшақардан өз сыйлықтарын алды.
Әлеуметтік топтағы оқушыларға демеушілік жасаған «Тілеп» ЖШС директоры Ібайдулла Тілеп, «Ақжол» дүкені меңгерушісі Шаттық Шалмахова, «голд STEL» директоры Мира Бейсенова, «Мерей» ЖШС директоры Мерей Есқожаевтай аға-әпкелерімізге рахметімізді айтамыз.
Мәдениет үйі ұйымдастырған концерттік шара біткен соң, қаладағы Ғ.Мұратбаев мемориалдық музейі директоры Роза Асанова оқушыларды мұражайға экскурсияға шақырды.
Шара барысында оқушылар музей экспорттарымен танысып, жақсы әсерге бөленді. Ата–аналары ұйымдастырушыларға алғыстарын айтты.
Г.ИТЕҒҰЛ,
№16 мектеп-лицейдің әлеуметтік-педагогы.
