Қазалы Қазалы аудандық қоғамдық-саяси газет
» » Оң өзгерістерге толы алты ай

Оң өзгерістерге толы алты ай

Сәрсенбі күні Қазалы аудандық сотында 2018 жылдың бірінші жарты жылдығының қорытындысы бойынша баспасөз мәслихаты өтті. Бұқаралық ақпарат құралдарының өкілдері қатысқан басқосуда аудандық сот төрағасы Дидар Мұратбекұлы есепті кезеңде сот төрелігін жүзеге асыруға байланысты атқарылған жұмыстарға тоқталды.
Төрағаның айтуынша, аудандық сотта қаралған қылмыстық, азаматтық, әкімшілік істер өткен жылдың осы кезеңімен салыстырғанда біршама төмендеген. Атап айтар болсақ, қылмыстық істер 68-ге, азаматтық істер 632-ге, әкімшілік істер 138-ге азайған.
– 2018 жылдың І жарты жылдығында сыбайлас жемқорлыққа қатысты 1 қылмыстық іс түсіп, қаралып, 1 адамға қатысты 1 айыптау үкімі қабылданды. Алайда, сотталушыға “Қазақстан Республикасы Тәуелсіздігінің 25 жылдығына байланысты рақымшылық жасау туралы” Қазақстан Республикасының 2016 жылғы 13 желтоқсандағы Заңының 2-бабы 3-бөлігінің 1-тармақшасы қолданылып, тағайындалған негізгі жазадан босатылды.
ҚК-нің 68-бабы 38 қылмыстық іс бойынша қолданылып, 50 сотталушы қылмыстық жауаптылықтан құтылды. Оның ішінде медиаторлардың қатысуымен 36 сотталушыға қатысты 30 іс бойынша медиация рәсімдері қолданылды. Бұл мерзімде барлық аяқталған 53 қылмыстық істің 28-і қысқартылған тәртіппен қаралды, – деген Д.Мұратбекұлы аудандық сотта қылмыстық істерді қарау барысында процессуалдық мерзімдердің бұзылу фактілері орын алмағанын жеткізді.
Аудандық соттың төрағасы Д.Мұратбекұлы сот саласына деген ел сенімінің артып, әділдіктің үстем болуы үшін аудандық соттың жұмысын жақсарта түсетінін айтып, баспасөз мәслихатын түйіндеді.
«ҚАЗАЛЫ» ақпарат
21 шілде 2018 ж. 54 0

Жаңалықтар мұрағаты

«    Тамыз 2018    »
ДсСсСрБсЖмСбЖс
 12345
6789101112
13141516171819
20212223242526
2728293031