Қазалы аудандық сотында есірткі айналымына қатысты қылмыстық іс бойынша брифинг өткізілді

Қазалы аудандық сотының төрағасы Дидар Мұратбекұлы сотта қаралған қылмыстық іс бойынша БАҚ өкілдеріне брифинг өткізді.

Шара барысында төраға Қазақстан Республикасының Қылмыстық кодексінің 296-бабының 4-бөлігімен қаралған Ж.-ның қылмыстық ісі бойынша мәлімет берді.

Брифинг барысында, сотталушы Ж. өзінің тұрғын үйінде аса ірі көлемде жалпы салмағы 1126 грамм есірткі затын сақтағаны мәлім болды.

Сотталушының қылмыстық әрекеті, сотта өзінің айыбын мойындап берген жауабымен қатар, іс құжаттарымен толық дәлелденген.

Сот үкімімен сотталушы Ж., Қазақстан Республикасының Қылмыстық кодексінің 296-бабының 4-бөлігімен кінәлі деп танылып, 3 жыл мерзімге бас бостандығынан айырылды.

Брифинг соңында БАҚ өкілдері қылмыстық іс бойынша сауалдар қойып, қойған сауалдары бойынша нақты жауаптарын алды.

Сот үкімі заңды күшіне енбеген.