Қызылорда облысы Ақай ауылында күріштен қытырлақ тағамдар шығаратын цех ашылды. Бұл жоба «Бизнестің жол картасы-2020» бағдарламасы аясында іске асырылып отыр. Кәсіпкер бұл мақсатқа 8 миллион теңге көлемінде жеңіл пайызды несие алды. Осылайша жергілікті 5 адамды жұмыспен қамтып отыр. Жартылай автоматтандырылған құрылғыларда дайындалатын жеңсік тағамдар бүгінгі брендтік маркалардан кем түспейді. Әзірге оның өнімдері жергілікті елді мекендерде сатылуда. Кәсіпкер алдағы уақытта өндіріс ауқымын кеңейтуді көздеп отыр.