Қазалы аудандық орталық кітапханасының ұйымдастыруымен еңселі елордамыздың 20 жылдығына, 1шілде- Ұлттық домбыра күніне және 28 маусым – Байланыс және ақпарат қызметкерлерінің күніне арналған аудан жастарының «Жаңа ғасыр жастары жырлайды» атты мерекелік думанды кеші өтті. Шараның мақсаты: Елбасының тарихи ерлігі саналған елордамыздың өткені мен бүгіні, жиырма жылдағы тартулы толағай табыстары жайында өрбісе, Елбасымыз 2018 жылдың 1 шілдесін –ұлттық домбыра күні деп жариялап, қазақтың қасиетті қара домбырасын атаулы күндердің күнтізбесіне қосып, ұлттық құндылықтарымызды ұлықтаса, халықтың тіршілігінен, әлеуметтік әл- ауқатынан, руханияты мен қоғам тынысынан хабар тарататын басылым иелерінің кәсіби мерекесін атап өту болды. 

    Мерекелік басқосуға аудандық кітапхана жанындағы «Руханият» қызығушылар клубының мүшелері, біздің жалынды жастарымыз қатысты. Мәдени-рухани шараға аудандық «Қазалы» газетінің жауапты хатшысы Есет Табынбаев, кітапхананың тұрақты оқырманы Мереке Сұлтанбаева, Өркендеу ауылындағы ауылдық кітапхананың кітапханашысы Несібелі Нұрадин, Әл-Фараби атындағы Қазақ Ұлттық университетінің «тарих» факультетінің ІІ курс студенті Әбілдос Рамазан, Әл-Фараби атындағы Қазақ Ұлттық университетінің «Филология» факультетінің ІІ курс студенті Бақытжан Қаһар, Ы.Алтынсарин атындағы №204 орта мектептің 9 сынып оқушысы Ізбасар Меруерт, Қазалы агро-техникалық колледжінің І курс студенті Қабылша Арыстанбек, Қазалы агро-техникалық колледжінің ІІ курс студенті Көпен Мұхтархан, Қорқыт Ата атындағы балалар музыка мектебінің 4-сынып оқушысы Зейнедин Көркемай, Р.Бағланова атындағы аудандық Мәдениет орталығының өнерпаздары Сәдуақас Тұрар, Сариев Әмір, Әйтеке би кенттік клубының өнерпазы Кемал Ұлболсын, Жалаңтөс батыр ауылының Қ.Пірімов атындағы №103 орта мектептің 9- сынып оқушысы Хайрулла Динара, Өркендеу ауылындағы №104 орта мектептің 5-сынып оқушысы Нағидулла Нұрайым және аудандық кітапхана қызметкерлері қатысып керемет кештің куәсі болды.