Сәрсенбіде Р.Бағланова атындағы мәдениет орталығында Жастар ресурстық орталығының ұйымдастыруымен «Достар алаңы» еріктілер клубының "Бір үйдің баласындай" атты бір жылдық шығармашылық концерті болды. Қазалы ауданы бойынша мемлекеттік жастар саясаты өңірлік бағдарламасын жүзеге асыру, ұлттық құндылықтарымызды ұлықтау, жастардың бос уақытын тиімді ұйымдастыру, мемлекеттік бағдарламаларға қолдау көрсету мақсатында өткен шараға аудан тұрғындары мен жастары қатысты.

Салтанатты кеш барысында Қазалы ауданының ішкі саясат бөлімінің «Жастар ресурстық орталығының» директоры Олжас Ахметов және «Достар алаңы» еріктілер клубының негізін қалаушы Әбен Рахметолла сөз сөйлеп, жастардың істеріне сәттілік тіледі. Сондай-ақ, бірқатар еріктілерге арнаулы куәлік табысталды. Қазіргі уақытта "Достар алаңы" еріктілер клубында 40 жас мүшелікте бар.