– Бухгалтер-экономист – көпшіліктің жүрегі дауалай бермейтін мамандық. Себебі, есеп-қисап та қателікке бой алдыруға болмайды. Ал Сіз алдымен ауыл шаруашылық, сосын білім саласында қырық жылға жуық өзіңізге жүктелген жауапты қызметтің ыстығы мен суығына төзіп, еңбекқорлығыңыздың арқасында ұжымдастарыңыздың ыстық ықыласына бөлендіңіз. Бүгінде зейнет жасына жетіп, үлкен бір әулеттің ақылшы анасы болған Сіздің жүріп өткен еңбек жолыңыз кейінгі ұрпаққа үлгі-өнеге, – деген Мұхтар Әуесұлы мерейтой иесін ауданның әлеуметтік-экономикалық дамуына қосқан үлесі үшін «Қазалы ауданының Құрмет грамотасымен» марапаттап, арнайы сый-сияпатын табыстады.

Мұнан соң аудандық мәслихат төрағасы Ғазиз Әліш сөз алып, өзінің ыстық ықыласын жеткізді.

Өз кезегінде Люба Өтемұратова мерейтойымен құттықтаған аудан басшылығына алғысын айтып, шынайы ризашылығын білдірді.