Азаматтық іс медиация тәртібімен жүзеге асырылды
Қарыз ақша өндіру туралы азаматтық іс медиация тәртібімен жүзеге асырылды.Қазалы аудандық сотына талап қоюшы «А» микрорқаржылық ұйымы ЖШС жауапкер Б.-ға қатысты қарыз ақша өндіру туралы талап қою арызымен жүгінген.
Азаматтық істі қарау барысында тараптар медиация туралы шарттарын сотқа ұсынып, дау бойынша медиация тәртібімен бітімгершілікке келгендерін көрсетіп, араларындағы келісімді бекітуді сұрады.
Қазақстан Республикасының Азаматтық Процестік Кодексінің 277-бабы 6-тармақшасына сәйкес, егер тараптар дауды (жанжалды) медиация тәртібімен реттеу туралы келісім, дауды партисипативтік рәсім тәртібімен реттеу туралы келісім жасасса және оны сот бекітсе, сот іс бойынша іс жүргізуді тоқтатады.
Сот ұйғарымымен қарыз сомасын өндіру туралы азаматтық іс бойынша дауды сот медиациясы тәртібімен реттеу туралы келісім бекітілді.
Сондықтан осы заң талабына сәйкес, сот азаматтық іс бойынша дауды медиация тәртібімен реттеу туралы келісімін бекітіп, төленген мемлекеттік баж сомаларын талапкерге қайтарылды.
Қазалы аудандық сотының баспасөз қызметі
