Үш отбасы медиация көмегімен сақталып қалды
Қазалы аудандық соты бір күнде неке бұзу туралы 3 азаматтық іс бойынша, дауды медиация тәртібімен реттеу туралы келісімді бекітті.Сот отырыстарының барысында, тараптар дауды медиация тәртібінде реттеу туралы келісімге келді. Шарт бойынша талап қоюшылар өзінің арызынан бас тартып, тараптар отбасылық құқықтары мен міндеттерін орындауға міндеттенді.
Қазақстан Республикасы АПК-нің 277-бабының 6-бөлігінде, егер тараптар дауды медиация тәртібімен реттеу туралы келісім жасасса және оны сот бекітсе, iс бойынша іс жүргізуді тоқтатады делінген.
Сондықтан осы заң талабына сәйкес, сот азаматтық істер бойынша дауды медиация тәртібімен реттеу туралы келісімдерін бекітіп, төленген мемлекеттік баж сомаларын талап қоюшыға қайтарып, азаматтық істерді сот өндірісінен тоқтатты.
Қазалы аудандық сотының баспасөз қызметі
