15 қараша - Ұлттық валюта және қарсы саласы қызметкерлері күні. Соған сәйкес бүгін ауданда бірқатар ауқымды шаралар бастау алды. Соның алғашқысы - “Қаржы - халық қазынасы” атты фойе-музейдің ашылуы.
Қазақстанның ұлттық валютасы теңгенің 30 жылдығы құрметіне ашылған фойе-музей Қазалы ауданы әкімдігінің екінші қабатынан орын алды.
Аудандағы қаржы саласының тарихынан сыр шертетін, кешегісі мен бүгінін баяндайтын музейдің салтанатты шарасына арнайы құрметті қонақтар, қаржы саласының ардагерлері мен үздіктері, ардагерлер және сала мамандары арнайы шақырылды.
Басқосуда алғы сөзді алған аудан әкімі Мұхтар Оразбаев жиналғандарды тәуелсіз еліміздің темірқазығына айналған ұлттық валюта теңгенің қаржы нарығына айналымға енгеніне - 30 жыл толуымен және қаржыгерлер күнімен құттықтады.
Сол секілді мерекеге орай арнайы келген Қызылорда облысының құрметті азаматы, қаржы саласының ардагері Қалқазбек Әжібеков және қаржы, салық саласының ардагері Дайрабай Ысқақұлы, қаржы саласының ардагері Талайлы Бөріқұлақов өздерінің жылы лебіздерін жеткізді.