Аудан бойынша іс-шаралардың орындалуы жөнінде аудан әкімінің орынбасары Күнтілес Назымбеков хабарлама жасап, әр тармаққа жеке тоқталып өтті. 

9 айдың қорытындысымен кәсіпкерлік субъектілерінің қаражаттарға қол жетімділігін қамтамасыз ету шаралары қолға алынып, өңдеу өнеркәсібіндегі өндіріс көлемі артқан. Есепті кезеңде ауданда 2694 жаңа жұмыс орны ашылып, «Жер аманаты» партиялық жобасы аясында заңсыз берілген немесе пайдаланылмаған 31691 гектар болатын 34 жер учаскесі мемлекет меншігіне қайтарылды. Сондай-ақ жергілікті маңызы бар автомобиль жолдарының құрылысы және қайта жаңарту жұмыстары жүргізілді. Медициналық 3 нысан, мәдени 1 нысан және 2 білім беру орындары салынуда.

Хабарламадан соң фракция отырысына арнайы қатысқан аудандық партия филиалының төрағасы Ғазиз Әліш орындалмай қалу қаупі бар іс-шараларды нақтылап ұсыну, «Ауыл аманаты» жобасына қатысуға ниет білдіруші тұрғындардың санын арттыру, бірқатар құрылыс нысандарының мерзімінің кешігуіне байланысты сауалдарын қойып, ұсыныстарын айтты.

Мұнан соң фракция жетекшісі Нұрғиса Жалғасбаев фракция мүшелерінің дербес бөлім басшыларымен бірлесе бағдарлама аясындағы тармақтардың орындалу жұмыстарын күшейту қажеттігін атап өтті.

Отырыстың қортындысына сәйкес, ұсынымдар негізінде тиісті қаулылар қабылданды.

#AMANAT