Қазақстан оқ атудан Олимпиадаға жолдама алды
Оқ ату спортынан Қазақстан командасының өкілі Арина Алтухова Парижде 2024 жылы өтетін Олимпиада ойындарына лицензия жеңіп алды. Kazinform бұл туралы Ұлттық олимпиада комитетінің ресми сайтына сілтеме жасап хабарлайды.Азия чемпионатында ол пневматикалық оқ ату дисциплинасында 590 ұпаймен финалға шықты.
Нәтижесінде Арина бесінші орынды иеленіп, Олимпиада квотасына қол жеткізді. Спорттың бұл түрінде 2 лицензия сарапқа салынған болатын.
Еске салайық, 22 қазан – 2 қараша аралығында Оңтүстік Кореяның Чангвон қаласында спорттық оқ атудан Олимпиадаға жолдама беретін Азия чемпионаты өтіп жатыр. Жарыста 30 елдің 800-ден астам спортшысы кім мықтыны анықтауда.
Азия чемпионатында 24 Олимпиада лицензиясы ойнатылады.
