Жыл аяғына дейін миллион қазақстандық жұмыспен қамтылады - Көлгінов
Мемлекет басшысы қатысып жатқан еліміздің әлеуметтік-экономикалық даму мәселелеріне арналған кеңес барысында вице-премьер Алтай Көлгінов қазақстандықтарды жұмыспен қамту жоспарлары туралы айтты, - деп хабарлайды tengrinews.kz."Жұмыспен қамту және жаңа жұмыс орындарын құру мәселелерін кешенді шешу үшін Үкімет халықтың табысы бағдарламасын республикалық және өңірлік деңгейлерге бөле отырып жаңартты. Әкімдіктер жұмыспен қамтудың өңірлік бағдарламаларын қабылдады. Нәтижесінде жыл аяғына дейін бір миллионға жуық адамды жұмыспен қамту жоспарланған. Жергілікті атқарушы органдарға жұмысқа орналастыру карталарын сапалы енгізу, жаңа жұмыс орындарын ашу үшін инвесторлармен тығыз жұмыс жасау тапсырылды", - деді Көлгінов Мемлекет басшысына.
