Жұмысшы топ жанар-жағармай құю бекеттерін аралады
Аудандағы жанар-жағармай бағасы мен қорына байланысты аудан әкімдігі жанынан арнайы құрылған жұмысшы топ өз жұмысын бастап кетті. Топ жетекшісі Күнтілес Назымбеков бастаған топ өкілдері Әйтеке би кенті ішіндегі бірқатар май құю бекеттеріне аялдады.Атап айтсақ, “Sinooil”, “ҚазМұнайГаз” бен “TS” бекеттеріндегі қорлардың жеткілікті болуын бақылап, май құю бекеттері арасында бағаның қолдан көтеру келісімдеріне жол берілмеуін қадағалады.
Айта кетейік, топ құрамында аудандық прокуратура, аудандық мәслихат депутаттары, дербес бөлімдер, кент, қала және ауылдық округ әкімдері, аудандық полиция бөлімі, кірістер басқармасы және кәсіпкерлік палатасының өкілдері бар.
"ҚАЗАЛЫ" ақпарат
