Маңызды мәселелерге мән берілді
Жақында аудандық мәслихаттың тұрақты комиссияларының бірлескен отырысы өтті. Оған аудандық мәслихат депутаттары, аудан әкімінің орынбасарлары, құқық қорғау органдарының басшылары, облыстық көлік бақылау инспекциясының қызметкерлері, дербес бөлім басшылары, қала, кент, ауылдық округ әкімдері мен бұқаралық ақпарат құралдары өкілдері қатысты.Тұрақты комиссия отырысының күн тәртібі бойынша алдымен «Аудандық қоғамдық көліктердің халыққа қызмет көрсету жайы» туралы аудандық мәслихаттың тұрақты комиссиясының 2017 жылғы 19 мамырдағы №8 қаулысының орындалу жағдайы талқыланды. Бұл жөнінде аудан әкімінің орынбасары Ғ.Еркебай, аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы М.Әбсұлтанов, Әйтеке би кентінің әкімі Қ.Орынбасаров хабарламаларында тоқталды.
Аудандық полиция бөлімінің қоғамдық тәртіпті орнату жөніндегі және қылмыстың алдын алу профилактикасы бойынша атқарған жұмыстары туралы аудандық полиция бөлімі бастығының орынбасары, полиция майоры Е.Жүрсінбаев баяндады.
Бұдан соң Тасарық ауылдық округінің әкімі М.Сұлтамұратов, Қызылқұм ауылдық округінің әкімі О.Мүсілім «Еңбек» нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасының орындалуы туралы баяндама жасады.
Хабарламашыларға аудандық мәслихат депутаттары көкейкесті сауалдарын қойып, ұсыныс-пікірлерін ортаға салды. Мәжілісте қаралған мәселерге байланысты тиісті қаулы қабылданды.
С.БАХИҰЛЫ
