Партия мүшелері басқосқан жиынды БПҰ төрағасы Нұрлан Алмағамбетов жүргізіп, күн тәртібіндегі бірінші мәселе бойынша аумақтық партия филиалының кезектен тыс XL конференциясына делегаттар сайланды.

Мұнан соң жиынға арнайы қатысқан партия филиалының Атқарушы хатшысы, экс-депутаттар Нұрғиса Жалғасбаев және Арғын Орымбаев сөз алып, депутаттық өкілеттіліктері барысында соңғы екі жылдарда атқарған жұмыстарына қысқаша тоқталып, партияның сайлауалды бағдарламасының мақсаттары мен міндеттерін жүзеге асырудаға жұмыстарын баяндап өтті.

Сондай-ақ, жиында бірқатар аманаттықтар сауалдарын қойып, ұсыныс-пікірлерімен бөлісті.