Азаматтық қоғам өкілдерімен ашық диалог форматында кездесу өтті
Бүгін аудандық партия филиалының мәжіліс залында азаматтық қоғам өкілдерімен ашық диалог форматында кездесу өтті. Жиынға ауданымыздың түрлі салалары мен бағыттары бойынша жұмыс істейтін үкіметтік емес ұйым өкілдері қатысты.Жиынды ашқан партия филиалының Атқарушы хатшысы Нұрғиса Жалғасбаев үкіметтік емес ұйымдардың азаматтық сектордың қалыптасуы мен нығаюына, сондай-ақ ауданның әлеуметтік-экономикалық дамуына қосқан үлестерін атап өтті.
Мұнан соң жиынға қатысушы азаматтық сектор өкілдері алдағы іске асырар жобалары және жоспарлары туралы айтып, осы жоспарларды жүзеге асыруда қаржыландыру мәселесі бойынша бірқатар ұсыныстарын жеткізді.
