Көшпелі мәжілістің отырысы өтті
Бүгін «AMANAT» партиясы аудандық филиалының мәжіліс залында облыстық партия филиалының Атқарушы хатшысы Төрешова Ләйлә Бегалықызының төрағалығымен көшпелі мәжіліс отырысы өтті. Жиынға аудандық партия филиалының Атқарушы хатшысы Нұрғиса Жалғасбаев, аудан әкімінің орынбасары Жалғас Сүйеубаев, «AMANAT» партиясы облыстық филиалының консультанты Бақытбек Бекпанов пен сала өкілдері қатысты.Мәжіліс отырысында партияның сайлауалды бағдарламасын іске асыру аясындағы Қазалы ауданы бойынша Жол картасының орындалу барысы қаралды.
«Партияның сайлауалды бағдарламасының орындалуы тұрақты жоғары деңгейде бақылауда тұр. Сондықтан, оның орындалуына барлық тиісті сала бөлімдері мен партия бірлесе, нәтижелі жұмыс жасауымыз қажет. Бүгінгі жол картаның әрбір іс-шарасын талқылау барысында сіздердің тараптарыңыздан тиісті ұсыныстар беріледі. Осы ретте сол берілген ұсыныстардың әрі қарай орындалуына жауапкершілікпен қарау сұралады» - деді Ләйлә Бегалықызы.
Жалпы жиын барысында 2025 жылға дейін жоспарланған 114 іс-шара жеке-жеке қаралып, пысықталып, жобалардың орындалмауына әкеліп соққан себептерін анықтай отырып, шешу жолдарын қарастыру немесе балама жобаға ауыстыру жөнінде ұсыныстар берілді.
#AMANAT
