Үкімет келесі жылғы жоспарды мақұлдады
Бұл туралы бүгін өткен Үкімет отырысында Премьер-министр Әлихан Смайылов мәлімдеді, деп хабарлайды BAQ.KZ тілшісі.Айтуынша, келесі жылы жасалатын заң жобалау жұмыстарының жоспары дайын.
Үкіметтің заң жобалау жұмыстарының 2023 жылға арналған жоспарын мақұлдауды ұсынамын. Жоспарға 24 заң жобасы кіреді. Олардың ішінде әзірленіп жатқан Су кодексі, «Адам саудасына қарсы іс-қимыл туралы», «Тұтынушылардың құқықтарын қорғау туралы» және «Аквадақыл туралы» заң жобалары ерекше маңызға ие. Заң жобаларының сапалы, уақтылы әзірленуі мен ұсынылуына мемлекеттік органдардың бірінші басшылары өздері жауапты болады, - деп атап өтті Үкімет басшысы.
Сонымен қатар Премьер-министр жоспардың орындалуына жауапты ведомствоны атады.
Жоспардың орындалуын жалпы үйлестіру және бақылау Әділет министрлігіне жүктеледі, - деді Әлихан Смайылов.
