Ең алғашқы дауыс беруші таңдау жасады
Әйтеке би кентіндегі №226 орта мектепте орналасқан №62 сайлау учаскесінде дауыс беру таңғы 7.00-де басталып, алдымен Қазақстан Республикасының Мемлекеттік Гимні шырқалды.– Ел тарихындағы елеулі оқиғаға бейжай қарамай белсенді қатысу – әрбір азаматтың басты борышы. Себебі бүгінгі күн келешек ұрпақтың тағдырына тікелей әсер ететін маңызды сәт. Сол себептен ертелетіп өз таңдауымды жасауға асығып келдім, – дейді алғаш дауыс берген кент тұрғыны Әли Досқожаев.
Маңызды сәтке жауапкершілікпен қарап, ең алғашқы болып дауыс беруге келген тұрғынға №62 сайлау учаскесінің төрағасы Ерік Дәкенов қазақы дәстүрге сай ағамыздың иығына шапан жапты.
#Қазалы
