Шешуші науқанға жақын қалды
Осы қараша айының 20-да өтетін Президенттік сайлау болашағымызды айқындайтын нағыз тағдыршешті сайлау болғалы тұр. Әрбір жерлесімнің бұл сайлауға немқұрайлы қарамай, белсенділік танытып, дауыс бергені дұрыс болар еді.Бұрынғы өткен президенттік сайлауларды жоққа шығарудан аулақпын, бірақ бұл сайлаудың бұрынғы сайлаулардан өзгерек екенін бәрімізде түсініп, түйсініп, сезініп отырғанымыз жасырын емес. Шын мәніндегі Жаңарған, Жаңа, Әділетті Қазақстан осы сайлаудан бастау алады деп ойлаймын. Еліміздегі «Әділетті Қазақстан. Біртұтас ұлт. Берекелі қоғам.» іс жүзінде орнығатын кез келді.
Үміткерді таңдау еркі өзіңізде, мәселе - құрметті жерлесім, Сіздің сайлау учаскесіне келіп, дауыс беруіңізде болып тұр, сол себепті, 20 қарашада біркісідей-жұмыла сайлауға қатысуға шақырамын! Ұрпағымыздың баянды бақыты үшін!!! Сіздің дауысыңыз Ұлы Қазақ Елінің мәңгілік Тәуелсіздігі мен өміршең жасампаздығы үшін берілетін дауыс.
Жарылқасын ҚУАНБАЙ,
Ардагер мемлекеттік қызметші
