Біздің дауысымыз – біздің жеңісіміз
Ел үшін аса маңызды саяси науқан жақындап келеді. Сол тұстағы кез келген жанның таңдауы маңызды екенін ескерсек, әрбір адамның дауысы ел болашағы үшін оң қадамға бастайды. Жауапты сәтте сайлау учаскесіне міндетті түрде барып, өз дауысыңды беру өз мүддеңді білдіргенің болып табылады. Бұл сайлау – мен үшін және Қазалы локоматив жөндеу зауытының қызметкерлері үшін ең маңызды сәт дер едім. Сондықтан да сайлауға қатысып, таңдауымды білдіруді азаматтық борышым деп санаймын.Сол секілді ел реформасына айрықша өзгерістермен жаңаша бағыттар әкелетін кезектен тыс өткізілетін сайлаудың маңыздылығын, ерекшелігін, қажеттілігін сезінетін әрбір Қазақстан азаматы дауыс беруі тиіс. Сондықтан аудан жұртшылығын 20 қараша күні болатын сайлауға қатысуға шақырамын. Біздің дауысымыз – біздің жеңісіміз екенін ұмытпайық.
Нұрлан АЛМАҒАМБЕТОВ,
Қазалы локомотив жөндеу зауытының басшысы
