Сенбілікте аудан орталығындағы дербес бөлімдер мен мекеме-кәсіпорын ұжымдарының қызметкерлері және белсенді жастар белгіленген аумақтарды, атап айтар болсақ, Әйтеке би кентінің шет аймақтары – «Водокачка» елді мекеніне баратын жол, 5 кварталдағы «Қазақ» қорымы мен оңтүстік беткейдегі теміржол өткелінің маңайын қоқыс қалдықтарынан, арамшөптерден тазартты. Сондай-ақ осындай ауқымды шараға аудан әкімі Мұхтар Әуесұлы да қатысып, қазалылықтармен бірге тазалық жұмыстарына белсене атсалысты.

Аудан басшысы Мұхтар Оразбаев мұндай акцияның халық арасында экологиялық мәдениетті одан әрі қалыптастырып, жастардың туған жерінің табиғатын құрметтеуіне ынта беретіндігін айтып, тазалық жұмысына үлес қосқандарға өз ризашылығын білдірді.

Айта кетейік, мұндай тазалық жұмыстары Қазалы қаласы мен ауылдық округтерде ұйымдастырылуда.

Жалпы сенбілік жұмыстары хaлықтың өмiр сүру сaпасын жақсартудың, сондай-ақ елдiң тұрақты дамуының алғышарты десек қателеспейміз. Сондықтан әрқайсымыз экологиялық науқандарға белсенді қатысып, табиғат тазалығы көпке ортақ іс екендігін ұмытпағанымыз абзал.